世界盃下星期五就開鑼，全城都已經瀰漫着一股世盃熱，可惜今屆大部份賽事都在下午舉行，加上有線電視獨家播放全部賽事，對不少上班族和屋企沒安裝有線的朋友來說均相當頭痛。不過，想睇得盡興並非冇計，以下幾個睇波的解決方案，無論挑一個或混合使用，總會行得通。
記者：周麗懿 攝影：楊錦文、周麗懿
Model：Zuky（Imagine）、Mark
服裝提供：adidas
方案1租房睇波夠盡興 （5粒★為最高分）
今屆世界盃雖然不用捱夜睇直播，但下午時間想睇直播就慘過捱眼瞓，不如試試租酒店房睇波，就算下午「蛇王」睇波，被老細撞到機會都會較低，一放工又即刻去睇5:30和7:30賽事，真正一分鐘都唔放過。其中北角海逸酒店就推出了「睇波住房優惠」，送2杯啤酒及薄餅一個，房租為$665（另加10%服務費及3%政府稅）。
北角海逸酒店地址：北角英皇道665號訂房查詢：21852888
邊日抵睇
6月2日（星期日），可以睇足4場賽事過足癮，包括F組兩場：下午1:30阿根廷對尼日利亞和5:30英格蘭對瑞典，以及B組兩場：下午3:30有巴拉圭對南非和晚上7:30西班牙對斯洛文尼亞，其中F組這個死亡之組，賽事最為吸引！
其他酒店優惠
今年推出世界盃租房優惠的酒店不多，但很多酒店房間都裝了有線電視，諗定邊日睇就要預早訂房啦！
香港日航酒店「世界盃住房優惠」
標準房：$950（已包括10%服務費及3%政府稅）
優惠期：5月26日至7月1日
着數：入住期間送自助晚餐（兩位）
地址：尖東麼地道72號
訂房查詢：23134305
香港基督教青年會夏日優惠
標準房：$600（另加10%服務費）
優惠期：5月1日至8月31日
着數：可免費使用室內游泳池
地址：尖沙嘴梳士巴利道41號
訂房查詢：22687000
利景酒店夏日優惠
標準房：$550（另加10%服務費及3%政府稅）
優惠期：5月1日至9月20日
着數：免費使用健身中心、送晚餐套餐或自助早餐
地址：灣仔道209至219號
訂房查詢：25910000
方案2K房又唱又睇
不想租酒店房咁重皮，不如試試去唱K兼睇波。由於下午開波的關係，所以大部份的K場都沒有特別加價或者收最低消費。其中以豪裝見稱、房間有獨立廁所的銅鑼灣V-Mix，亦推出睇波優惠。
如果齋睇波，每日早上11:00至下午6:00，每位收費為$38，包飲品1杯兼送花生，如果唱埋K，收費一樣，包2杯飲品，花生另計。
邊日抵睇
6月4日（星期二）下午2:30的C組賽事，中國首場迎戰哥斯達黎加，點都要支持！
加州紅請克勤助陣
加州紅在世界盃舉行期間，暫定收費不變（每位$55，包2杯飲品花生另計），又設連環抽獎卡，如即擦即獎、估賽果及競猜誰是冠軍，獎品包括全年免費唱K。另外亦會邀請李克勤主持講波擂台陣，由克勤選出講波最好的參加者。
查詢電話：28279229（灣仔世紀酒店）
V-Mix
地址：銅鑼灣糖街8號
訂房熱線：21379888
方案3餐廳邊食邊喝采
嫌租房、訂K房太麻煩，最直接的方法就是去餐廳和酒吧，實行邊食邊睇。遇上緊張刺激的賽事，全場的叫聲、噓聲、喝采聲此起彼落，更加過癮熱鬧有氣氛。位於杏花新城的HeadlineBar&Restaurant，餐廳不算很大，不過放置一部投影大電視及四部29吋電視，讓每個角落都可捕捉重要時刻。餐廳布置充滿世界盃氣氛，雖然每人的最低消費為$120，不過嗌到口乾，飲多幾杯都已經差不多。
地址：杏花新城G43B電話：28983606
邊日抵睇
6月7日（星期五），晚上7:30有最矚目戲碼─阿根廷對英格蘭，Fans最好預備喉糖以免嗌到喉嚨痛。
焦點球星
阿根廷 巴迪斯圖達
其他餐廳酒吧推介
Eureka
備有52吋及61吋大電視，另有美食燒烤自助餐，以巴西、中國、英格蘭及阿根廷四國美食做主題。
地址：銅鑼灣時代廣場13樓1305舖
電話：25061689
Delaney's
裝設了投影大電視，酒吧樓上還有餐廳，以歐陸美食為主。
地址：灣仔盧押道18號海德中心地下
電話：28042880
方案4竹戰中觀戰
香港人嗜打麻雀的程度和睇波都可謂不相伯仲，一邊打牌一邊睇波，可算是不錯的選擇，不過一心二用下，可能會竹戰敗北，牌技麻麻的朋友還是專心睇波為上算。
邊日抵睇
6月12日（星期三）F組的生死決戰，同時間在下午2:30上映瑞典對阿根廷及尼日利亞對英格蘭。
竹戰地點推介
竹苑聯誼會
收費：星期一至日中午12:00至下午6:00，每房間收費$138（免雜費、另收加一服務費），包4杯飲品及三文治；星期一至日晚上6:00後，每房間收費$338，可任打5小時（雜費約$50、加一服務費），包4餸1湯及4杯飲品。
地址：九龍尖沙嘴加拿芬道25至31號5至6樓
訂房電話：23667333
方案5免費睇重點賽事
有線電視雖播足64場世界盃賽事，幸好無綫和亞視都會直播數場重點球賽，無綫直播兩場準決賽（6月25及26日晚上7:30）及決賽（6月30日晚上7:00）；亞視則直播揭幕戰（5月31日晚上7:30）和決賽賽事。好彩今屆重可以聽到阿叔、阿瑜和鍾仔講波啫。