「鮑魚大王」楊貫一最近代表香港，喺法國世界廚藝大師總決賽攞到個「精英獎」。「阿一」話唔怕有咗徒弟冇師傅，傳授廚藝，全無保留，但就好少講自己平日食啲乜，點解可以保養得咁好。今次「阿一」卒之透露，原來佢每朝早起身，除咗刷牙洗面，第一件事唔係食鮑魚，係首先食番碗燕窩。
「阿一」話，「大師行出嚟要似模似樣，如果唔係啲客睇見你個樣咁，邊個敢嚟食你整嘅嘢。」佢又話同澳門特首何厚鏵總算有啲交情，知道佢最鍾意食芝麻糊。結果為人為己，自創咗個芝麻糊官燕畀佢試吓。至於一日三餐，大部份時間都係喺自己間飯店開餐，難怪有時啲客登門光顧，唔睇菜單，一開口就話：「你食乜，我就食乜。」
（圖）「阿一」楊貫一獲得世界廚師大賽精英獎，接受英女皇前媳婦莎拉舉杯祝賀。 楊貫一提供圖片
傳真︰2623-9278
電郵︰