陳小春早前出席無綫活動時做出反V不文手勢，當時他聲稱不知該手勢有粗俗意味。但昨日小春在沙田出席記者會時，又無故做出反V手勢，令人費解。
陳小春繼早前出席無綫《明愛暖萬心》活動，在電視城做出不文的反V手勢後，他昨日在沙田新城市廣場出席《萬眾同心公益金》記者會時，竟無故再做出相同手勢。
小春早前在電視城因被追訪鋒芝戀新聞，心情欠佳，做出起源於英國的反V不文手勢。當時小春稱不知該手勢有粗俗意思，但昨日小春在沙田出席記者會時，表面並無不快，接受記者訪問時亦有問必答，心情不俗。但當眾嘉賓藝人同坐於台上，進行大合照時，小春望着鏡頭竟突然黑面兼伸出左手，在腰間做出反V手勢，令人摸不着頭腦。
小春提及日前在台灣接受訪問，被指談及緋聞女友張栢芝時忍不住流淚，他否認說：「我阿媽一早買定報紙畀我睇，我好㷫呀。我唔係因為講感情而喊，啲人斷章取義，我記得我係講家庭問題，講到『癩蛤蟆』三個字喊。」
小春續說：「我做娛樂圈，有時搞到家人都成為傳媒追訪對象，講講下就喊，啲人真係冇文化冇知識。」問到栢芝最近痛失愛犬，小春可有慰問她？小春說：「唔知喎，我隻狗就冇事。」
至於霆鋒日前在商台的「id大舞池音樂會」後台哭，小春說：「我見唔到喎，做乜又喊呀？」小春得悉霆鋒可能因擔心頂包案而哭後，他即說：「唔關我事，我唔理。」
採訪：汪正文
攝影：陳烱威