呢邊廂嘅英國蓮花新款Elise跑車銷情理想，大有供不應求嘅情況；皆因有唔少車迷對呢部中置引擎嘅小跑車，有趨之若鶩嘅睇法，好想一試駕馭嘅滋味嘛！然而，大家又何曾記得等同Elise嘅車款，重有德國歐寶旗下嘅Speedster呢！呢部造型創新，兼好有個人風格嘅新一代MR跑車，機械結構絕能媲美Elise，加上一台有更佳輸出（馬力147匹）嘅2.2公升直4DOHC偈，以及凈車重不過945kg，0至100公里加速亦只係5.9秒咋！亞Mark據知香港代理方面，呢部Speedster嘅定價亦不過係40萬內；有興趣嘅朋友，不妨向代理查詢一下同落Order㗎！或者成為首批香港嘅車主，更能凸顯你嘅個人品味㖭！