酸味味嘅楊梅當然係我心頭好，佢唔單止有生津止渴功效，食滯咗食番粒更有助消化。夏天一到楊梅即蒲頭，通常一兜兜出售，大概五蚊兜無得揀，大家又毋須擔心，每兜質素大同小異，唔會太差，買嘅時候至緊要留意佢要飽滿挺身、乾身同滿布圓刺嘅就係正貨。而買返去最好浸吓淡鹽水至食，乾淨啲之餘又甜啲㗎！
平日都係買到牛奶製品多，好少話會食羊奶製品，食落原來味道都幾特別。這隻牌子的羊奶製品，有羊奶芝士、軟芝士同乳酪。羊奶芝士味道較濃，有陣羊奶的羶味，如果鍾意羊味的朋友應該會幾鍾意。但如果不太接受羊奶味，可以試試用羊奶軟芝士來塗麵包，又或者係食乳酪。乳酪味道同牛奶做的差不多，幾易接受。