香港足球和電影發展其實十分類似，七、八十年代踏入黃金時期，在亞洲首屈一指，現在卻踏入一個進退失據的局面；一個導演、一個演員又有甚麼良方妙藥，可以為香港球壇擺脫低潮呢？
達明說：「幾年前我都會去大球場睇波，但現在沒有了，因為睇波最緊要有氣氛，以前場場爆滿；𠵱家觀眾小貓三、四隻，邊度有氣氛呀！」
「肥谷」說：「這是value（價值）問題，觀眾畀錢入場，因為他們認為值得參與其中，我到過意大利睇國際米蘭比賽，球迷逢親朗拿度熱身、出場都全場起身拍晒手掌，當正國父咁尊重；又好似電影《少林足球》咁，好多人會睇三、四次以上，因為觀眾享受參與其中，可惜𠵱家香港明星已經唔多，重經常有媾女、吸毒等負面新聞，梗係吸引唔到觀眾啦。」
最後，達明同肥谷認為政府要正視足球和電影，視同工業一樣發展；好似日本、南韓，有足球、演員學校，提供有系統訓練，先可以培養出球星及明星，吸引觀眾入場。