許志安（安仔）昨日往尖沙嘴帝后廣場，出席電影《三個兩兄弟》開鏡拜神儀式。此片是講述跳街頭舞、追求理想的勵志電影。這套戲的劇本是由劉德華（華仔）的朋友所寫，亦是由華仔極力推薦安仔做男主角。對此安仔說：「我好多謝華仔推薦我拍，我都鍾意跳舞，但近來除咗演唱會之外好少跳，而且呢套戲講嘅係街頭舞，同平時跳嘅舞唔同，我都驚驚地，怕做得唔好。」
許志安在戲中會與新人及在荷蘭出世、二十一歲的女主角鄧肇欣合作，安仔笑說：「我會同佢多啲溝通，我係前輩，會主動啲同新人講嘢。我同佢哋有幾個gap（代溝），但唔好叫我叔叔，都係叫番我Andy（安仔洋名）啦！」
採訪、攝影：駱華齡