楊千嬅及方力申昨日到銅鑼灣崇光百貨公司，為Biotherm專櫃剪綵，千嬅罕有地以一件性感的吊帶衫到場，更露出了心口的大痣。可惜到場的fans就只有數十人，而圍觀的市民亦不多，場面未算熱鬧。
楊千嬅及方力申（Alex）昨日下午到銅鑼灣崇光百貨公司，為Biotherm專櫃剪綵。身為代言人的千嬅，為隆重其事，以一身Marni吊帶衫、鞋以及D&G牛仔褲的性感裝束出席，露出胸前的大痣。
雖然千嬅經過悉心打扮，不過就現場所見，只有數十名fans圍觀，與之前又一城專門店開幕時的洶湧情況相比，場面明顯較為冷清，可能一班fans要上課，故未能到場為偶像打氣。
千嬅在活動上笑說：「我其實都好努力叫啲人用呢隻牌子，所以見佢哋不停開分店我都好開心。」千嬅又謂日前華星寄了一張支付版稅的支票給她，她感慨地說：「唉，我當時見到華星個logo都好感觸㗎，始終有啲唔捨得。」
Alex到場後一直用紙巾揩鼻，他說：「我冷傷風呀，因為我張電腦枱喺部冷氣機下面，而我就淨係着件底衫，所以咪冷病囉。我冇睇醫生，只係食成藥。我發覺我啲菌都幾勁㗎，試過傳染咗畀隔籬位個女同學，搞到佢返唔到學。」
Alex還透露由於近來忙於應付考試，所以公司已替他推掉不少工作，令他可以專心溫習。
採訪、攝影：李珮洳