深圳觀瀾湖高爾夫球會推銷會籍手段高超，舊年請到老虎仔活士到會所比賽，連財爺女友伏明霞都到來一睹活士風采。香港一眾高官名人更係觀瀾湖常客，包括立法會主席范太、九鐵行政總裁楊啟彥、財爺阿松等等，八方近兩年都好少去打波，因為實在太多熟人。
噚日有份報紙登咗一個全版廣告，署名「一群觀瀾湖高球會會員」，大肆批評球會隱瞞會員人數，聽聞呢單嘢冇咁簡單，可能涉及觀瀾湖主席朱樹豪同佢以前老友之私人恩怨。
球會解釋只係送有使用時間限制嘅商務會籍，唔會影響通常於假日來打波的金卡會員喎；真唔真呀，八方試過禮拜上去，簡直同返中環差唔多呢。
傳真︰2623-9278
電郵︰