標普降低地產股評級，搞到個市散散哋，恒指冇咗221點，長實（001）跌1.25元，新地（016）跌1元。市底唔錯，標普報告嘅影響，好快成為過去，大戶好快趣再玩過，揀地產股Call輪博反彈。
長實Call輪對象係9063，昨收65仙，跌14%，8月到期，溢價3.9%，槓桿率11.7倍，吼住60仙邊邊入市。新地Call輪對象係9115，收74仙，跌10%，8月到期，溢價3.6%，槓桿率9.1倍，吼住70仙邊邊買入。恒地Call輪揀9272，收41.5仙，散15%，明年1月到期，溢價8.3%，槓桿率8.5倍，等低見38仙買入。新世界Call輪揀9172，收15.4仙，散13%，10月到期，溢價3.6%，槓桿率4.4倍，見15仙買入。
3隻大型石油股，中石油（857）獨俏，收1.60元，升3仙，成交由41球增至103球。
中石油個勢靚，中石油Call輪9070買得過，昨升0.5仙，未升得夠，已經低水，應該升3仙。現價33仙，明年1月到期，負溢價1.2%冇理由，4.8倍槓桿率算唔錯。正股上到1.7元，9070應升3成以上。 章盛