近排唔少傳統工業股大升，小初亦日日周圍尋寶，經紀陳叫小初留意依利安達（033），話隻股再傳收購合併。
依利安達自從早排有一日成交急增後，成交開始活躍，跟住建滔化工（148）披露，增持依利安達至10.62%。
依利安達股價上周五升7.14%，收1.05元，非常貼近1.11元嘅52周高位，股價異動可能如經紀黃所言，有消息跟尾。
其實建滔舊年已經講過，有意增持依利安達，話雙方業務有協同作用，一度揸多過10%依利安達，但收尾好似雙方講唔掂數，事件不了了之，建滔又減持低過10%。
不過，建滔今時唔同往日，自從獲歐資大行扶助成功集資，水頭十分充足，股價亦長期企喺高位。
建滔上周五又升9.43%，收8.70元，真係議價能力都大好多，所以再同依利安達商討合作，真係一啲唔出奇。
慕容小初