時移世易，過往本田以Civic及Accord掛帥，響國內外市場均一直有頗高嘅評價及銷售紀錄，惟近年小車當道，本田旗下嘅Fit（即港版Jazz），以及走CityRV路線嘅Mobilio，卻成為炙手可熱嘅車壇紅人。或許正因為呢個緣故，據聞廠方正有計劃響明年（2003年）上旬，替Jazz推出四門三廂式嘅新一代小轎車；除造型帶有Jazz嘅一定神髓外，為迎合年輕一輩用家嘅要求，新款四門版Jazz尺碼會較現行嘅Civic細一點，以保持原來頗Cute嘅賣相，但又不失一份實用性嘛！
至於引擎組合方面，除沿用一台1.3公升i-DSI偈外，廠方亦有意多添一台1.5公升型號，惟是否i-DSI嘅新品種，定還是係換裝上Civic嘅VTEC系列，卻仍然未有定案。各位鍾情Jazz嘅Fans，不妨拭目以待喇！