想唔到重有大概兩個星期，才踏入年中嘅6月，但近排香港個車市經已好熱鬧，兼且重有多款新車面世㖭。而近期備受車迷追捧嘅迷你CityCar，除日本嘅豐田Echo同本田Jazz，以及法國標緻206各領風騷之外，喺嚟緊嘅月底，來自德國福士嘅全新Polo車系，亦會正式打入香港市場。呢部用上1.4公升偈，及時款四圓頭燈設計嘅小車，據知響本土及歐洲各地市場嘅評價甚高，皆因佢車身結構嘅穩紮性，除能媲美較大型嘅轎車級別之餘，設備亦一啲都唔馬虎，而且重十分講究㖭！若然Polo嘅新車售價，可以定響12萬之內的話，相信會給予一眾同級對手有唔少壓力㗎！想擁有一部出自德國嘅高質素小車的朋友，就要留意新車嘅確實推出日期喇！