我Apple姐成日都覺得男女之間離離合合真係好平常嘅啫，尤其是當事人都喺同一圈子搵食嘅時候，做人大方啲又何妨呢？ 意氣之爭 我Apple姐有啲做PR嘅朋友八咗單料畀我知，話好多時請「哈佛小甜甜」任葆琳出席公開場合時，任葆琳都會事先要求，話如果女模李嘉慧有份嘅，就唔好預佢。 點解會咁？皆因任葆琳𠵱家個男友胡驊係李嘉慧前男友囉。唉！其實胡驊同李嘉慧段情已經係過去式啦，𠵱家個男友冧你咪得囉，何必咁計較呢？