首先要多謝《蘋果日報》畀我有機會喺度同大家講今屆四年一度的體壇盛事世界盃決賽周。我同大家一樣期待今屆日韓世界盃的來臨，適逢中國隊歷史性首次躋身決賽周，更首次由兩個亞洲國家南韓與日本聯合主辦，令大家對今次賽事更有親切感。
為了今次賽事能夠提供更精確分析，其實早已經做定功課，不停留意各支世界盃隊伍備戰決賽周的熱身賽及最新消息，務求可以提高預測賽果的命中率。
當然，我作為後衞自然特別留意各隊的防務工作，事實上，防守在現代足球所佔的比重愈來愈高；像上屆法國成為盟主，很大程度是因為擁有一條可靠的防線，再配合穩守突擊戰術，結果成功過關斬將。
意大利在兩年前的歐洲國家盃同樣憑藉出色的防守，打入決賽周；雖然決賽飲恨於法國腳下，只是證明了要在大賽得天下，必先做好防守。而要做好防守當然要有守衞。不過，球迷要留意一支好的球隊必須要有一條攻守兼備的中場線；如陣內有出眾如前巴西隊長鄧加或法國長人韋拉般的中場工兵，爭取好成績的機會自然提高。
距離世界盃決賽周還有十天時間，首先會介紹我今屆心水冠軍同黑馬之選，以及各組的出線形勢；此外，還會以第一身的身份講講早前在嘉士伯盃同中國，以及回歸盃與土耳其兩支決賽周同組球隊直接交手的賽後感受，以便各位更深入了解他們的實力及打法，而下次將先同大家分析我的心水奪標熱門法國兵團。
丘建威
本欄逢星期二、四、六見報