陳奕迅（Eason）及容祖兒（Joey）昨日出席「生命熱線」活動，但身為「生命熱線大使」的Eason，居然穿上一件帶有不文意識的T恤到場，而Joey則笑Eason尚在發育，血氣方剛所以較衝動。
陳奕迅（Eason）及容祖兒（Joey），昨日下午到旺角新世紀廣場，出席「新地驕陽行動暨生命熱線主題曲《天生不倒》MTV首播」活動，約有數百人圍觀，Eason和Joey離場時更一度被熱情的fans拉扯，幸得保安人員解圍。
Eason及Joey擔任是次活動的「生命熱線大使」，呼籲年輕人要愛惜生命，不要輕言自殺。不過，Eason昨日竟然穿上一件帶有不文意識的T恤出席，他還以趕戲為理由，不肯接受傳媒訪問。Eason所穿的白色T恤背面，有一個箭嘴指着下身，還印有「Thisdoorforemergencyuseonly」（此門只作緊急用）字樣，意識頗為不文。
而Joey表示當遇到不快事時，一定會尋求方法發洩，她說：「我一唔開心時就會面壁思過，或者會喊同埋發脾氣。好似之前我唱唔到歌，咁我咪匿喺房掟嘢囉。我有個朋友就係因為成日將啲唔開心嘢收收埋埋，之後佢連性情都變咗。」
記者追問她這位性情大變的朋友是否Eason時，Joey笑說：「唔係，不過佢有名叫百變陳奕迅㗎啦，可能佢希望可以投入啲拍戲，所以連性格都有咁大變化，真係抵佢唱歌同拍戲都咁掂。」
接着記者再問Joey是否覺得Eason的EQ比較低？她說：「男仔係咁㗎啦，佢份人比較衝動、重發緊育吖嘛，男仔一向都係咁血氣方剛，我都習慣咗佢係咁。」
採訪：李珮洳
攝影：仇志德