由焦媛主演的舞台劇《阮玲玉》，前晚於西灣河文娛中心上演，前往捧場的包括新鴻基主席郭炳湘太太李天穎、劉雅麗和李麗娟等人。
女主角焦媛前晚接受訪問時，向記者展示嘴部的傷勢，她說：「我啱啱綵排嘅時候，有一場戲係要俾劇中男友掌摑嘅，點知對手太入戲，佢一巴打埋嚟，打到我耳環都飛甩咗，𠵱家我個嘴就腫咗啦。」問焦媛會否生對手的氣？她說：「唔會，佢都係投入啫，我反而覺得好好feel。」
對於女友被摑致嘴腫，該舞台劇揸弗人高志森表示不痛心。他說：「做演員係咁㗎啦。」他又表示打算將這套舞台劇移師內地演出，他說：「內地市場咁大，我哋打算做一個國語版本，但係成套劇嘅演員係得焦媛識講國語，可能到時我哋要喺內地搵過批演員。」
採訪:DebbieLum、JessicaNgan、RitaLeung、KellyCheck
攝影:WongManWai、LoTakKwong