送舊迎新已經唔再係過年前一年一度的動作，反而係年輕人隨時隨地的習慣性活動，你着住的係咪APC版Converse？鞋底都已經平晒，鞋頭黑晒，相信係時候換一換，但5、6月係一個好特別時分，因為轉季時間未到，故新貨未返，但舊貨又賣得七七八八，通常係店舖平賣時期，水貨波鞋平日太貴買唔落手，就好趁利時巨集物坊將其水貨鞋及波鞋一次過跳樓，快快買定幾對，粗着又好，等新貨未到時「楔」吓又得。
記者：馮彥彰 攝影：林栢鈞
Model：Connie(RobotoKatoModel)
今次以日本版Converse最抵買，價錢平過半價，當中最吸引係一眾水貨版鞋，因為平日太貴買唔落手，大部份都係行貨版冇又罕見的顏色，出街唔怕同人撞鞋，最適合現時換季前的尷尬時期，而別注1917版更是儲/着均宜。必入。
Monogram版的Converse可能不算矜貴，但加埋KatharineHamnett的話，相信身價即升幾倍，加上長青款式，夏天短褲及夏老威就可以出街，BeachBoy造型話咁快就掂！
淺啡色的Converse布鞋，乃日本別注版，以紀念首對Converse而製成的，鞋脷部份更有一個軟皮製的ConverseLogo，唔着都有收藏價值。
另一玩花花的Converse，以全白底襯花形圖案，夏威夷花式的設計，唔少日本男仔加對LegWarmer着出街，接唔接受到就見仁見智，順便一提，係MadeinUSA！
鞋頭部份有綠及藍色可選，日本仔最鍾意買兩對，左一隻右一隻唔同色着出街，𠵱家半價就買到，一個價錢兩種Style都可以！
除了Converse外，重有唔少鞋都一次過平賣，當中不難發現有Simple、NewBalance等，都係日版水貨為主，而且貨量唔太多，實唔怕同人撞鞋。
AllStar款式之受歡迎，因其輕便、簡單、耐穿及易襯衫而馳名，故自85年面世以來，創下了銷量超過六億的成績，現今未有波鞋能及。Allstar後就有ProStar的出現，同樣簡潔，同受歡迎。
adidas跑鞋唔止有ZX8000，日版綠色版本的Response，據知行貨冇入過，由於鞋身少少圓及大，極有板仔味道，受唔少日本仔喜愛。
NewBalance除了大家熟悉的576、1300、990系外，此428外形又有幾分似剛出的Jordan一代的低筒版，同樣都係以紅，黑及白色為主．買唔起炒鞋不妨買對來代替，平成半有多。
講美國Converse玩完可以提兩點：一，提咗好耐，很多人已知係美國總公司申請破產保護，但唔代表結業，未來一樣會經營落去，只係生產地會搬來亞洲，今年你都見到咁多公司同佢Crossover都知佢哋重有排玩。另一點，人人重着緊Converse，日本仔着，鬼佬又着，可見永恒經典無話Out。如果想睇有關Converse申請破產保護資料，不妨去台灣網站一看：
巨集物坊（23691628）
地址：尖沙嘴利時商場地下