安泰第三年贊助香港冠軍暨遮打盃，噚日在沙田跑大長途，八方應邀入場開吓眼界，見到好多保險界的人士及傳媒朋友，當中包括主人家ING集團亞太區執行委員會委員潘燊昌、ING安泰人壽香港及澳門地區總經理鄭文光、信安國際亞洲區行政總裁歐陽伯權及前立法會議員李鵬飛等。重頭戲當然是第七場的遮打盃，「豪情快勝」、「神彩金剛」及「原動力」都係大熱門，不少人都話有「貼士」，八方及在場的記者跟風買多少博博彩，最後大家都做晒善事，只有一位記者贏，佢有乜「貼士」咁堅？原來係乜都唔買，一於輸少當贏。而遮打盃最後由愛倫馬房的「豪情快勝」大熱勝出。第八場亦係盃賽，結果由冠忠巴士黃良柏兄弟隻「新力軍」捧走隻女皇銀禧紀念盃。
﹙圖﹚冠忠巴士黃良柏兄弟昨捧走隻女皇銀禧紀念盃。
傳真︰2623-9278
電郵︰