早前，一直備受關注嘅萬事得Atenza（即港版Mazda6），經已率先響日本本土開售；呢款全新型號不僅令各地汽車傳媒及車迷關注外，就連廠方亦極為重視，被認定會係拓展外國市場，尤指北美及歐洲等地嘅最強武器，而且重可以跟豐田Altezza（即港版凌志IS200）一較高下呢！今趟萬事得Atenza嘅面世，除主打嘅四門Sedan及五門掀背嘅SportWagon外，重加入有另一款五門斜背Sport版，並以2.0公升及2.3公升偈作主力；當中，Atenza2.0Sedan標準版不過賣港幣11萬，相信響6月當萬事得以Mazda6呢個名子，將Atenza引入香港市場時，賣價亦不過係16萬上落，相當有吸引力㗎！若然各位對呢部被視為有歐洲車出色操控性，又具備有房跑車意識嘅Mazda6情有獨鍾的話，就真係要拭目以待喇！