噚日係一年一度嘅佛誕，港九新界各地都有佛誕慶祝大會，唔少信佛嘅政府官員同立法會議員都有出席，當然就梗係唔少得對佛學素來都好有興趣嘅立法會主席范徐麗泰，范太噚日身為香港佛教聯合會佛誕慶祝大會嘅主禮嘉賓，難免會被記者追問佢對佛學嘅認識。但佢就好謙虛咁同記者講佛學博大精深，佢所知嘅實在太少，佢重同記者「沙冧」：「唔好令我喺大家面前出醜啦。」呢招果然奏效，八方同行家即刻收口。不過，范太都好識做，臨走前都醒咗八方幾句，佢話𠵱家社會有好多壓力，信仰實在可以幫到人平靜心靈，各位收到未呀？
﹙圖﹚范太禮佛十分誠心。
傳真︰2623-9278
電郵︰