人哋話銀行家牙齒當金使，滙豐大班艾爾敦直情把口當金使，一開口就有幾十萬。話說公益金今年有四千萬元財赤，身兼公益金籌募委員會主席的艾爾敦一於粉墨登場，唱歌籌款。噚日佢喺尖沙嘴一間錄音室，為公益金喺下禮拜日（二十六日）嘅籌款節目《萬眾同心公益金》獻唱錄音。
帶埋太座、一身便服嘅艾爾敦話佢今次「出口相助」，下不為例。噚日成日落雨，佢語帶雙關話，公益金善款下跌，可能係市民「savingintherainingday」，希望環境好啲，市民會捐番啲錢啦。
大班果然大把擁躉，公益金方面話，到現時為止，佢嘅獻唱已籌得幾十萬元。八方都好戥公益金開心，距離籌款四千萬又近咗一大步。
艾爾敦今次同名媛郭秀雲合唱《IslandsintheStream》，作曲係BeeGees，原唱係KennyRogers。佢兩位今次唔係初結台緣，舊年佢哋合唱過爵士樂。
﹙圖﹚艾爾敦（藍恤衫）及郭秀雲獻唱，其音樂班底來頭不弱，有AndersNelsson彈結他（前排坐者），還有前溫拿樂隊陳友負責打鼓。 李潤芳攝
傳真︰2623-9278
電郵︰