特首夫人董趙洪娉：「既然要做天使，可以做啲乜呢？我認為要拆去生命壓力嘅計時炸彈……今日我會將我啲關懷、我嘅愛，畀承受壓力嘅人，包括特首。」
演藝界代表劉德華：「我寫關心卡畀一對支持我嘅姊妹，佢屋企受到金融風暴影響，爸爸離開咗香港唔知去咗邊，剩低一大堆欠債，生活過得好慘，但我希望佢即使再艱難都要捱過，因為今日嘅苦就係明日嘅幸福，我會支持佢。」
前電視藝人陳儀馨：「我之前患咗大病，但𠵱家我已經拆咗身上嘅計時炸彈，我個病已經好番，主可能係藉呢個病叫我做人要有信心，然後要我教身邊嘅人要有信心，上帝話先關心瞓響你身邊嘅人。我會先關心我嘅丈夫、我嘅子女，同身邊嘅人。」
立法會議員劉千石：「我寫畀一個幫我嘅義工，佢最近癌病復發，我希望鼓勵佢，佢為人母親，今年四、五十歲，佢成日諗：『既然醫生都話冇乜可以做，不如唔好再嘥錢醫。』我叫佢唔好咁儍，因為生活有好多變化同可能性，願上主嘅平安與佢同在，我重叫劉德華響張關心卡上簽名畀佢。」
郵寄支票抬頭請寫「蘋果日報慈善基金」，註明捐款編號寄：將軍澳工業邨西駿盈街8號蘋果日報慈善基金
現金捐款直接存入恒生銀行帳號：368-006565-001或滙豐銀行帳號：580-198836-001請在存款收據上註明捐款編號
捐款編號：C0600
查詢熱線：29908688