梁詠琪（GiGi）昨日在灣仔會展舉行《我們的永遠》MV首播儀式，GiGi提及拍MV時一支拍攝用的大光燈忽然着火焚燒，嚇得一眾工作人員慌忙救火。GiGi七情上面地憶述說：「支燈忽然卜一聲着火，開頭我重以為有人放屁，點知係着火，真係嚇到我鼻哥窿都冇肉，好彩有人出嚟用腳踩熄咗啲火。」
GiGi新碟昨日推出反應理想，她說：「我決定請公司所有人，同埋商台嘅工作人員去唱卡拉OK，如果成績再好啲，就請公司同事去遊埠。」
GiGi出新碟，其男友鄭伊健亦有新戲《當男人變成女人》上畫，GiGi表示稍後會捧場，伊健更曾表示拍《當》片讓他更懂得疼錫女人，GiGi笑說：「佢講佢阿媽，孝順阿媽呀，佢冇請教我，我都好男仔頭。」
採訪：蔡如玉
攝影：仇志德