基本法委員會鄔維庸﹙圖﹚雖然身兼多職，但佢到底唔係一個忘本之人，去到邊都記得自己嘅的專業身份──醫生。噚日佢就喺一個專門研究問責制嘅研討會上，用醫學名詞同香港政治社會「斷症」，八方喺旁聽席上笑到幾乎跌咗落地。看官不妨睇吓，香港係咪真係有呢六種病。
「多種器官綜合性病」──好似議而不決、決議不行、行而不達
「少量細胞破壞」──政府內部有壞分子
「各種器官失調，肢體不受控制」──公務員唔肯減人工
「體能消耗性亢奮」──成日好大喜功
「幻想受迫害」──有人成日話言論自由被剝奪
「免疫系統失調」──自己人打自己人
老鄔話，呢啲病因係免疫系統失調，自己人打自己人，重話「高官問責制」專門對付呢類症，係苦口良藥。不過，八方就知道美國有新藥上市，一定要先測試幾年，𠵱家呢劑「苦口良藥」三個月就出街，聽落就有啲牙煙！
傳真︰2623-9278
電郵︰