「之前問親戚借落一筆錢去醫婆婆個病，𠵱家有咗呢筆讀者捐款，我會用嚟還番畀親戚先，因為佢哋環境都唔係咁好。」四十三歲的俞太接獲善長捐款八千二百三十五元，表示萬分感激。「真係唔知點報答佢哋。」
俞太年前與居於福建的丈夫結婚，育有一名五歲女兒，母女在港靠綜援維生，其夫則在鄉間耕作謀生，生活清苦。早前，俞太的七十四歲婆婆因患腸癌病逝，俞太無力繳付殮葬費，加上居所遭賊人爆竊，僅餘的生活費亦遭盜去，令她彷徨不已，蘋果日報慈善基金即時撥款一萬元助她解困。
近日，俞太的丈夫申請雙程證來港探望母女，五十多歲的俞先生歎謂：「得佢兩母女喺香港，我梗係擔心，有起事上嚟都唔知去求邊個，今次好彩多得你哋幫手。」
捐款編號：C0486
暖流熱線
電話:29908688
傳真:23702192
電郵:
網址：