經已推出多時嘅萬事得MX-5，或多或少會予人有點看膩嘅感覺；而最近外國方面就有消息傳出，話萬事得廠方正有意於2005年，推出新一代MX-5開篷跑車，以抗衡其他快將推出嘅新款開篷跑車。
該消息指出，新一代萬事得MX-5開篷跑車，將會採用同廠嘅RX-8作為設計平台，難怪由電腦模擬出來嘅相片中可以睇到，新車嘅造型與RX-8跑車相似，尤其車首造型設計，就最能夠將呢個特點展露出來；同時，廠方為讓新版MX-5可有更好嘅性能表現，除會為其裝上較輕嘅車身外，更會為其配用現有嘅1.8及2.0公升引擎，以迎合不同用家嘅需要。至於車廂方面，則因為新車仍屬概念階段，故未有關於呢部車嘅詳細資料；有興趣嘅MX-5車迷，不妨留意一下新車嘅確實推出日期喇。