南非國家隊除咗波圖前鋒麥卡菲較為出名，另外兩名猛人當然喺效力英超聯列斯嘅拉迪比，以及曼聯中場科東尼。雖然主辦單位噚日好識做搵咗兩人畀傳媒訪問，點知主持人第一句就話唔可以問有關曼聯同列斯嘅問題，即時令各位行家啞口無言。
噚日新機場分別有南非和土耳其兩支世界盃決賽周球隊抵港，機場接機大堂就聚集咗唔少兩地留港僑民；佢哋帶齊國旗鮮花喺接機大堂載歌載舞，唔少訪港旅客路過都感受到佢哋熱情氣氛，一齊將新機場變成小型嘉年華會。
之前報道過土耳其今次訪港，會有過噸食品隨行，但噚日睇佢哋帶嚟嘅行李，竟然要用三架貨車先可以運走。問番先知，土耳其今次包機來港，連埋其他器材在內，行季總重量超過七噸，數目咁多，難怪香港足總嘅員工都要幫手做搬運。
噚日朝蘇軍作抵港後第一課操練，原定十點鐘開操，但足足遲左半個鐘先到球場，軍紀嚴明既德國教頭福士認真要執一執；講番福士，佢老人家喺球員熱身時玩下主射自由球，雖然力度麻麻，但角度刁鑽，果然寶刀未老。