近日在網上流傳一張任港秀的裸照，任港秀昨日表示自己非相中人，她又聲稱從沒拍過此類照片，她謂自己平時拍性感戲都會做足防走光措施，不過她表示很有興趣看看那張裸照。
任港秀跟無綫提前解約後，工作接踵而來。她剛拍完新片《偷窺無罪》，接着會到內地登台。昨日記者發現在網上流傳一張任港秀的裸照，照片中她躺在床上裸露胸部。
記者就此事致電任港秀，問她可知她的裸照在網上流傳？任港秀說：「真係有咁嘅事？我諗張相一定係假，因為我從來冇影過呢啲相，就算拍戲要有性感演出，只係露背，我一定會喺胸部做埋安全措施，以防萬一。」
那以往可曾給朋友拍過同類裸照留念？任港秀說：「冇，平時都唔會影呢啲相，以前亦冇為男友影過，我覺得冇咁嘅需要。」但她頗關心裸照的質素，更問記者：「張相點㗎？個網址係乜？我都想上網睇吓。」
此外，任港秀前日到跑馬地養和醫院做激光矯視手術，昨日再到醫院覆診。
為保護雙眼，她聽從醫生吩咐戴上眼罩防強光，她說：「我一早已經想做呢個手術，但之前一直好忙，個手術做咗一個鐘，好成功。我以後都唔使戴眼鏡，拍戲就更加方便。噚日（即前晚）做完手術，做咗一晚盲妹，令我深明要珍惜雙眼。」
採訪：比華利
攝影：林德雄