章小蕙形容去年猶如坐過山車般，她前半年事業有成，取得年輕企業家大獎，當「修身堂」代言人被捧至如天之驕女，連寫作出書都成績驕人。直至去年冬至，她收到第一張裕泰興給她的告票，登時從天跌落地上。
章小蕙說：「原來自己嘅世界依然唔係自己掌握一切，我好似一夜間冇晒啲嘢。你試過俾銀行即時cut晒所有信用卡、信貸期冇晒、銀行卡數、運費機票統統要即時找數未？」
章小蕙說，少一點韌力，都很難應付這突然其來的一切。她跌倒，不論是數年前為愛不惜一切，成千夫所指的一鋪，抑或是今日的欠債問題，她都提醒自己：「我點樣跌低都唔會狼狽於人前，否則就會俾人有機可乘，再踩多你兩腳，佔你便宜。」
章小蕙續說：「我有成頭家要擔，我一個跌倒，成家人就要瞓街。呢啲嘢都冇人可以幫我，我成日同自己講：『我可以，我一定可以』。」
章小蕙形容自己如一條彈弓，無論怎樣都可以反彈翻身，她說：「有相士話我係盆花命，意思即係能屈能伸，話我做上流社會又得，『摺埋』又得，完全講中晒。以前我男友好景時，同我住法國最貴酒店，食最好嘅嘢。𠵱家佢經濟冇咁好，同佢去茶餐廳撐枱腳，我都一樣享受。
「今日我可以踎低為個客改衫都得，對我嚟講，應付困局係配合IQ、EQ，加埋鎮定。時不我與時，忍一忍，到你再起嘅時候，先至吐氣揚眉都唔遲。我𠵱家嘅真言係：『窮風流，餓快活；我冇錢，但我快樂』。」