海關助理關長潘揚光下月底開始退休前休假，佢噚日就喺海關訓練學校主持學員結業會操，而呢次重係佢喺海關任內最後一次結業會操㖭！潘Sir喺三十六年前加入前身為緝私隊嘅海關，見證了海關變遷同改革。
潘Sir話：「我好自豪喺三十六年前能夠做出加入海關呢個咁正確嘅決定！」可想而知，佢係幾咁鍾愛海關工作。
除咗緝私同打擊翻版工作外，潘Sir講食經都好投入，記得潘Sir有一次同記者聚會，佢就介紹咗好多必試美食畀記者知，包括元朗大榮華酒樓缽仔蒸飯，同埋半島酒店獨有嘅蘇格蘭三文魚等。其實睇吓潘Sir嘅身形，就知佢「有料到」啦！
﹙圖﹚潘揚光昨日在海關訓練學校結業典禮檢閱會操隊伍。
傳真︰2623-9278
電郵︰