香港賽馬會一年一度周年會員大會八月尾舉行，屆時會由各董事投票選出新一屆正副主席，八方早前收到風，話夏佳理係新一屆馬會主席熱門，直頭熱到一賠一。
而馬會董事局噚日公布，現任副主席周湛燊呢個月十九日榮休，由夏佳理接任。周湛燊就被邀請出任馬會名譽董事，律師會前會長周永健被補選加入董事局。
周永健八一年已經加入馬會，九九年成為遴選委員，佢積極參與社會服務，身兼多項公職，被邀請加入董事局，對馬會未來發展會有一定作用。
夏佳理響馬會董事局內排名僅次於李福深及周湛燊，佢不久前接受《蘋果》訪問，表明對馬會改革嘅決心，以佢老哥嘅政界經驗，大家都可以寄予厚望。
（圖）夏佳理昨日接任馬會副主席，且是新一屆主席大熱門。 《壹週刊》圖片
傳真︰2623-9278
電郵︰