廖碧兒和吳君如最近獲陳妙瑛邀請，為旗下豐胸及瘦身產品任代言人。廖碧兒經過三星期服食瘦身丸，以及勤做運動和進食營養餐，已成功減掉九磅肥肉，身材比前更弗。
陳妙瑛去年建立豐胸事業王國後，自己亦有拍廣告做生招牌，今年她決定專注做老闆娘，找來吳君如和「翻版紀香」廖碧兒接棒，分別擔任豐胸丸及瘦身產品代言人。
任瘦身丸代言人的廖碧兒，今次要在一個月內減掉十磅肥肉。日前本報邀請廖碧兒在石澳拍照時，見她已略為減磅。昨日廖碧兒在電話訪問中說：「重未減夠呀，雖然我𠵱家對減肥嘅速度好滿意，但係我想喺呢一個禮拜內減四至五磅。」
廖碧兒又賣花讚花香說：「我覺得呢次減肥唔辛苦，食嘅餐單都好健康，每日再做吓運動就得，頭兩個禮拜我已經覺得好成功，再努力少少就得。」廖碧兒又表示三星期以來服食瘦身丸、做運動和食營養餐後，已減掉九磅。
此外，吳君如在最新一期《忽然1周》訪問中透露自己上圍成功升cup，由31A增至33B，信心大增的君如更破天荒半裸拍攝廣告硬照。對於吳君如的半裸廣告相，陳妙瑛昨日在電話中說：「其實君如拍嘅時候都好緊張㗎，不過拍出嚟嘅效果好，君如覺得自己嘅胸部皮膚同個樣都比以前好咗，都想影低自己努力嘅成果。」
採訪：朱芷瑩
攝影：黃文偉