綽號「飛俠」嘅合和實業主席胡應湘爵士（圖）真係有情有義，為咗報答兄長，大拿拿送成七千萬「大利是」畀兩個姪。
八方噚日睇到聯交所資料，話胡應湘喺本月十三日減持了四百萬股，每股作價五元六角，套現二千二百四十萬元；其實，「飛俠」喺上月十九日及三十日，已先後兩次減持股份，同樣係四百萬股，三次減持股份共套現六千八百八十萬元。佢咁大動作，當然會引起市場矚目。
接近合和嘅消息人士同八方講，「飛俠」覺得哥哥胡應洲醫生咁多年對佢做生意有好大幫助，決定送「大利是」畀胡醫生兩個同樣做醫生嘅仔。由於呢兩個姪都係美國公民，按美國稅例，如果直接送合和股份會比較送現金「蝕底」，所以佢先至沽貨折現。
講起「飛俠」，八方亦係在噚日的憲報內見到佢老人家獲委任為克羅地亞駐港名譽領事，本來想親自向佢老人家道賀及問吓佢點解有何機緣出任此職，可惜找不着，惟有在此同佢講聲「恭喜」。
傳真︰2623-9278
電郵︰