梁詠琪昨日出席新碟記者會，她親自將會場設計成閨房之外，還帶來她最疼錫的愛犬BoBo擔任嘉賓，誰知被其愛犬搶盡風頭。
梁詠琪（GiGi）最新廣東碟《我住7樓A》昨日推出，她特地悉心打扮舉行記者會，還帶來八歲的愛犬BoBo做嘉賓。只見BoBo頸繫一把鎖匙婀娜多姿地出場，繞場一周後走到主人GiGi面前坐下，GiGi看見愛犬開心得大笑，她拿過鎖匙後，BoBo便功成身退走下台，聽話又醒目，搶鏡非常。
到GiGi接受訪問時，BoBo突然走近坐在主人身旁，還不時挨向GiGi大腿撒嬌，逗得主人十分開心。GiGi說：「隻狗由佢出世養到𠵱家都八年，係最乖同最嗲㗎，不過我唔可以讚佢，唔係我另外四隻金毛尋回犬會呷醋。」GiGi拍新碟封面照時，其曲架愛犬亦有一起拍攝，GiGi說：「我喺屋企後面個碼頭影相，佢突然走埋嚟，影埋佢效果都幾好，咪畀佢做女配角囉。」
原來，GiGi從愛犬身上拿得的鎖匙，是用來打開記者會中房間的門鎖，當她開門後，內裏布置成少女房間一樣，有床有沙發，還有二十多隻熊公仔。GiGi說：「呢間房係我參照自己間房設計㗎，不過我自己嗰間就擺唔落張梳化。」
採訪：陳梅香
攝影：陳烱威