岳少解釋緋聞只信一半
Monica斟Anya手袋求自立

林建岳女友Monica前晚出席連卡佛活動，她首度回應岳少與員工鄺心怡傳緋聞一事，Monica坦言對此事半信半疑。Monica又透露正斟洽英國名牌手袋AnyaHindmarch的代理權，希望可以自力更生。

林建岳女友Monica、鐘表界美女胡敏珊和賭王何鴻燊千金何超儀等人，前晚往銅鑼灣時代廣場出席連卡佛舉行、以「異國夢幻」為主題的春夏新裝fashionshow，該show展出逾五十套新裝，品牌包括BCBGMaxAzria、Chloe、StellaMcCartney及CatherineMalandrino等。
Monica身穿出自本地時裝設計師鄭兆良手筆的see-through背心示人，姍姍來遲的她雖錯過了fashionshow，但她收穫甚豐，花了五千八百多元買了不少SeeByChloe新裝。

「男人係花心」
Monica更大談時裝經，她說：「我自己今季比較鍾意SeebyChloe，鍾意佢嘅設計有啲古董feel。另外，我平時多數喺香港、新加坡同三藩市買衫。」
問Monica早前其男友林建岳（岳少）與旗下豐德麗控股有限公司員工鄺心怡傳緋聞，她說：「我都有聽過，不過呢啲係佢嘅嘢，我雖然擔心，但係都唔係第一次，佢有同我解釋。唉！男人點都係花心㗎啦。」

投資逾千萬
問Monica是否相信男友的解釋？她說：「一半一半啦，見到呢啲報道，梗會介意同唔開心，不過一見到BB（與岳少所生的女兒）就會即刻開心番。」再問Monica曾否想過與岳少結婚，她則表示暫時未有這個打算。
Monica又透露快將有自己的事業，她打算在台灣及新加坡開設英國手袋名牌AnyaHindmarch專門店，她說：「我個拍檔已經去咗倫敦接洽緊，如果成事嘅話，出年會喺台北或者新加坡開舖，大概投資八位數字。」
問Monica復出工作，是否想為自己鋪定後路？她說：「我一直都有諗過做番嘢，而且我唔係做啲乜嘢大生意，只不過想靠自己啫。」她表示岳少十分贊成她嘗試做生意，她說：「佢經濟上同精神上都好支持我。」