陳文媛師妹李蘢怡（Tiffany），日前在黃埔的「冒險樂園」度過一個歡樂的下午。不過年僅十九歲卻擁豐滿上圍的她，卻對身材成焦點大感尷尬，並臉紅紅地抗議：「我冇36D㗎！」
東方魅力唱片部今年力捧的陳文媛（BoBo）師妹李蘢怡（Tiffany），近日積極籌備她下月推出的處女唱片，雖然Tiffany不斷練歌，又每日花上五個小時排舞，但日前她仍忙裏偷閒，到位於黃埔的「冒險樂園」盡情玩一番。
年僅十九歲的Tiffany跟小朋友無異，在波波池裏嬉戲、玩電子遊戲機，也足以令她樂上半天。不過當提到她擁有非一般的36D上圍時，Tiffany竟即時臉紅耳熱，顯得十分尷尬，她說：「我冇㗎（36D上圍），講咗好多次話冇㗎啦，你哋又唔寫。」
Tiffany邊說邊垂頭，問她是否很介意身材被談論，她點頭說：「幾介意，令我好尷尬，講得多唔好呀，唔好講啦。」
去年東魅力捧BoBo成功，Tiffany作為BoBo師妹，也開始感到壓力，她說：「好大壓力㗎，公司做BoBo好成功，我當佢好似師姐咁，雖然我哋未至於日日通電話，但有乜嘢事，我都會請教佢。」
此外，早前譚詠麟（譚校長）曾勸Tiffany行路時不要寒背，未知譚校長對她的歌藝又有何評價？Tiffany說：「暫時未有，但佢有提點我哋，好似我喺無綫第一次出騷，校長都有睇番帶，話畀我聽出台要留意啲乜，佢對我哋啲新人好緊張㗎。」
採訪：朱芷瑩
攝影：陳志嵐
場地提供：黃埔「冒險樂園」
服裝提供：OZOC