莫文蔚媽媽何敏儀製作了一輯《VCD英語拼音》慈善版，為慈善機構籌款。昨日在尖沙嘴舉行記者會，女兒莫文蔚、張國榮（哥哥）及任達華等均有出席，而哥哥更即場交了一張支票給莫媽媽，代捐予香港兒童癌病基金。
最近有報道指哥哥因拍電影《異度空間》而撞邪因而經常失眠，哥哥大罵：「黐線！我瞓唔着係因為玩咗兩晚，打通宵牌，同埋為度劇本緊張過度，不過我對邪呢樣嘢係敬而遠之。」
至於他的好友張曼玉婚變，哥哥亦有所聞，他說：「人哋私人事，雖然同佢好朋友，但係嗰日喺上山詩鈉婚宴，佢都冇同我講，每個朋友都有佢自己思想空間，總之一句說話好啱，就係守口如瓶。」
問哥哥是否相信張曼玉與梁朝偉的緋聞？哥哥說：「我唔信，佢哋都係專業演員，不過呢個世界冇乜事係唔可能發生。」