張燊悅在電影《情緣汽水機》中，飾演一名茄喱啡女星，為求出位，她不惜打扮性感冧老細博搶鏡，可惜她的風頭竟不敵在片中由臨記雙妹嘜扮演的冒牌Twins，幸而她最後苦盡甘來，成功躍做大明星。
張燊悅（Nicola）在《情緣汽水機》一片中，扮演一名做茄喱啡的明星仔，她為求圓明星夢，不時濃妝豔抹打扮性感，冧扮演電影公司老闆的麥包，而她更努力在記者群中博搶鏡，奈何她的風頭始終難敵在片中扮冒牌Twins的老臨雙妹嘜。
早前Nicola在觀塘一間錄音室中拍戲，劇情指她刻意扮靚，穿上鮮紅吊帶裝，希望能博取曝光機會，未料記者只一窩蜂為站在她背後的雙妹嘜「Twins」拍照，當場令她受盡冷落。
而扮演「Twins」的兩位女臨記，還紮起雙髻穿上背心籃球裝，打扮與Twins《愛情當入樽》的造型幾乎如出一轍。
雖然Nicola的角色頗為淒酸，幸好最後她亦成功上位做了大明星。日前Nicola在電話中就說：「其實呢場戲只係搞下笑，但我初頭見到嗰兩個臨記嚟嘅時候，本來就冇乜嘢，後尾見到佢哋紮起個頭換晒衫，都覺得幾好笑。」
Nicola在片中扮茄喱啡力爭上游，過程受盡白眼，問她會否覺得現實中做明星亦有辛酸之處？她就說：「有時候啦，最唔舒服嘅地方，係一啲人講啲針對嘅說話，有解釋就話宣傳博見報，唔解釋就話你有問題，好多嘢根本冇得選擇，感覺幾辛苦㗎。」
採訪:朱芷瑩