阿董成日一見到傳媒就會周身唔自在，但噚日就畀足面外國記者俱樂部，除咗出席酒會之外，重喺演詞盛讚老外傳媒出色；點知老外記協主席JimLaurie唔知有心定無意，介紹老董出場時，錯把ChiefExecutive（行政長官）說成ChiefSecretary（政務司司長），惹來滿堂哄笑，老董由特區No.1突然好似坐跳樓機咁降職。
老董出場後即刻反擊，佢一開口就話自己從來唔介意俾傳媒批評，但半帶幽默咁講「Jim,Idomindbeingdemoted．（阿占，我好憎人降我職！）」八方心想，好彩窒佢個位仁兄係老外，如果係本地傳媒，唔知會唔會被列入黑名單。
（圖）董建華（左）昨出席外交使節酒會時，無端被外國記者協會主席JimLaurie(右)貶為政務司司長。
E-mail：