【本報訊】正被申請破產的黃夏蕙，興訟指多年前賣出匡湖居一物業予向華榮時，對方答應額外支付五十萬元買下全部家具連電器，但交易後食言，控告向華榮違反協議，追討五十萬元。但黃夏蕙記錯上庭日期兼「瞓過龍」遲到。
無律師代表的黃夏蕙表示，九二年初友人向華榮問她會否賣匡湖居其中一個單位，她帶向睇樓後，決定以五百五十萬元交易，並於四月簽約。黃指向同意另付五十萬元買下全屋家具設備，但完成交易後，向仍未付該五十萬元，表示「冇咁多錢，遲少少畀」。黃便要求他寫紙證明尚欠五十萬元，之後便上去佢屋企追錢。
白韻琴表示晨早收到黃夏蕙電話要搵律師，但男友謝偉俊已上庭，「CALL十幾個律師冇人肯捱義氣」，便到庭給予精神支持。白笑言黃作供好似「戇豆先生」，「成日答非所問，無律師實俾人抦！」
案件編號:HCA5083/92