美國著名講道權威、有「可能思想」之父稱號嘅蕭律柏博士（Dr.RobertSchuller）噚日喺香港主持大型演講會，吸引咗成二千幾人參加，其中有一千五百幾人畀成五嚿水買飛入場，另外重招待咗七百位師生同社工參加，場面墟冚。
本身係牧師嘅蕭博士話，成日嚟香港，佢話香港人以前充滿活力，但𠵱家好似消極咗，佢叫香港人凡事向正面睇，例如𠵱家失業率有七個巴仙，但調番轉頭睇，即刻有百分之九十三嘅人有工做。
佢重話，九一一之後，美國人發現權力同金錢根本唔能夠帶嚟安全感，所以要回歸親情同友情。蕭博士向來提倡「可能思想」，即係乜嘢都有可能，做人要有信心。
（圖）「可能思想」之父稱號嘅蕭律柏博士（右）。
E-mail：