陳曉東昨日到港台接受《一時貪玩》節目訪問，他手上戴着一條很大的透明水晶手鏈，十分搶眼。陳曉東說：「係呀，係個台灣高人送嘅，叫做冰糖水晶。」
問東東可覺得水晶手鏈有效？他笑說：「人哋話戴咗個人會好瞓啲，思路清晰，傷風感冒都少啲，我最近好忙，瞓得幾好。」東東又表示他認識的高人曾預言他去年十二月至今個月有口舌是非，東東大歎很準。
提到張栢芝被內地廣告商控告一事，東東即說：「乜嘢話？唔知。」
另外，陳曉東前晚在新蒲崗拍攝新歌《娛樂無窮》MV時，被問到有否與張栢芝聯絡及有傳栢芝飛謝霆鋒，東東只說：「你都知我唔會答啦。」
問東東可覺得現在雨過天青？東東說：「我一路只做我認為啱嘅事，天氣係冇得預測嘅。」
採訪、攝影：楊潔雯