全球經濟不景，但九鐵「西門子事件」就嘥咗香港人大拿拿一億元，可憐慈善機構公益金今年出現嚴重「缺水」，差四千萬元先可以達到籌款目標。
公益金執行委員會主席陳祖澤噚日喺「全民認捐十元大行動」嘅開展儀式話，呢條捐錢新橋，係公益金三十幾年第一次用。所謂集腋成裘，佢話如果一人真係肯捐十蚊，都應該可以籌足目標善款六千萬至七千萬元吖，陳祖澤話會親自去巴士站勸捐。
噚日做宣傳嘅名人包括有前任政務司司長陳方安生、「天王」黎明等等，而渣打銀行率先捐咗五十萬。
（圖）左起：公益金執行委員會主席陳祖澤與陳方安生、王冬勝及黎明昨日出席公益金募捐活動。
E-mail：