黎明（Leon）昨日五時多由瀋陽返抵香港，對於日前有傳他於瀋陽發生車禍，他說：「我當日做完嘢就返酒店瞓，瞓醒先知有件咁嘅事，有人要刻意放消息，我都冇法。」
有指Leon演出世界盃宣傳時，因不綵排、不出席慶功而被指扮大牌，他說：「我係無辜，總之我正常做嘢，喺台上專業係一定嘅。」至於無綫決定公益金籌款活動只播Leon的籌款片段，不邀請他出席，他續說：「幫公益金係我每年必做嘅事，唔值得攞嚟炒作。無綫冇小家，同無綫合作好自然、好正常。」
提到有報道指Mango上Leon保母車，他說：「有需要咪上，冇需要咪唔上囉。」
此外，Mango昨日在銅鑼灣出席活動，被問到黎明為伊人作曲一事，她說：「我唔覺得特別被關照，至於佢幫我作曲，可能係大家同公司，我哋冇試過單獨食飯，有電話聯絡都係講音樂嘅嘢。」