李心潔、導演彭氏兄弟和監製鄭丹瑞前晚在銅鑼灣紐約戲院宣傳電影《見鬼》，李心潔向入場觀眾大派電筒作紀念。此電筒照在牆上可見「鬼眼」，大受觀眾歡迎。雖然前日是閒日，但現場所見，前來觀賞此片的觀眾頗多，反應不俗。
李心潔說：「我睇咗呢套戲三、四次，自己都覺得幾驚，拍緊嗰陣導演唔畀我睇番自己做成點，一來因為戲入面有啲鏡頭我冇化妝，二來有啲鏡頭太恐怖，驚我睇完之後影響拍攝情緒。其實有啲鏡頭好肉酸，當時睇咗可能真係會影響我演出！」至於早前李心潔演出的電影《想飛》票房並不理想，她說：「我拍每一套戲都咁投入，票房唔係咁重要，最緊要係自己盡咗力。」
採訪：楊潔雯
攝影：何國豪