通販文搬入運通快1個月，又要看舖又飛日本，認真辛苦兼勤力。講真自佢開舖後個場確係多咗班生客，間接帶旺周圍，但個場係咪做起咗就唔敢講。
不過，有一件不可思議嘅事，就喺通販文搬入後發生。話說上個星期閒日，下午約三、四點，一隻蝙蝠竟然飛入商場裏面，Sales們都十分好奇出嚟趁熱鬧，不過又唔知點處理，最後就由運通代言人巨物F，撥個輪搵人搞掂。
山林道雖然清幽舒服，但有隻蝙蝠踩場確唔尋常，好多人重認為唔吉利㖭，可能大家後生仔自細睇得吸血殭屍多。問吓老人家，原來有蝙蝠出現係好兆頭，有「福到」（蝠到）之意，表示有好運來臨。據聞當日隻蝙蝠倒吊喺天花，唔知可否解作埋「福到」（蝠倒）呢？
其實講乜都係假，最緊要班老闆仔每日勤力開舖，唔好等個場變成假期場，個場更易做旺。
主持人：大食Jack
八卦熱報：