港股昨日跟美股走，恒指彈升148點。升幅超過15%嘅窩輪，有35件，其中有11件升超過20%。
升幅大嘅Call輪，追落去恐怕未必化算，不如實際啲，揀啲升得慢嘅，炒落後。
電盈（008）繼續有唔少拋空，昨收2.025元，升3.5仙。電盈Call輪9111升5%，收25.5仙，8月夠鐘，勝在溢價得3.7%，而槓桿率7.9倍則好爆炸。另1隻熱門Call輪9132未跟得貼，只升1%，連正股升幅都比唔上，勝在未升得夠，壽命又長啲，現價23.3仙，11月到期，溢價7.7%，槓桿率8.7倍又係非常爆炸。
電盈長期好多拋空，大市個勢係咁上，電盈遲早挾空倉，挾鋪勁嘅，9111同9132好快飛畀你睇。暫時9132抵過9111。
恒指升，恒指Call輪自然有運行。恒指升1.3%，恒指Call輪9045收33.5仙，升9.8%。
9045槓桿率7.8倍，溢價1%，昨日升幅係恒指升幅7.5倍，啱數。大市格局係大漲小回，吼回吐時揸入9045。
章 盛