無綫劇集《皆大歡喜》的一班演員，前日在東莞常平拍外景，拍攝時有一名內地女fans謂要找一位「搞笑，又不漂亮」的女演員，結果苑瓊丹及梅小惠嫌疑最大，二人互相推讓不願承認。而一班男演員被踢爆於大前晚到夜總會消遣。 記者王崇穎東莞直擊
無綫劇集《皆大歡喜》的一班演員，前日在東莞常平隱賢山莊拍外景，當薛家燕與梅小惠在拍攝時，未埋位的陳彥行、廖碧兒、趙學而及鄧兆尊等留在涼亭中聊天，而苑瓊丹（苑仔）及林漪娸則在別處休息。突然有一女影迷走到涼亭尋人，她以國語向趙學而問：「你們有一位女演員很搞笑的，很矮又不漂亮，她在哪裏？」學而隨即回答：「我們這裏每個都很漂亮。」女影迷聞言即怒氣沖沖離去。
事後眾演員議論紛紛，討論「搞笑，又矮，又不漂亮」的女演員是誰。除了涼亭中休息的女演員外，剩下的嫌疑人物有薛家燕、林漪娸、梅小惠及苑仔，苑仔說：「林漪娸話佢咁高，實唔係佢。家燕姐係人都認得，重有粒癦，都唔係。如果佢話埋大胸就係我啫，所以一定唔係我。」
言下之意梅小惠嫌疑最大，苑仔與小惠隨即猜包剪，結果苑仔輸了，她不忿說：「要我硬啃？我喺靚仔哥（苑仔男友）心目中係大美人。」她續說：「小惠真係慘，佢可能喺內地未到標準，我喺內地係楊玉環嗰種，係靚女嚟㗎。」
梅小惠則自辯說：「講胸，我哋兩個都一樣，佢都有靚仔哥，好心認咗佢，畀番個靚女我做啦。」
另外，薛家燕等踢爆劇中眾男演員大前晚到夜總會消遣，被狗仔隊跟蹤，薛家燕說：「成班人去聽歌，啲男仔唔見咗，我叫人搵佢哋，見到阮兆祥擋住喺門口，唔畀人入，林文龍重飲醉咗，不過睇佢哋今日嘅神色，應該係冇嘢發生過。」
鄧兆尊則謂：「我係去刮鬍鬚，家燕姐都有去，後來呢度老闆帶我哋去nightclub睇吓，有駐場觀音珍姐（無綫高層曾勵珍）喺度，邊度敢曳。」至於林文龍則早向女友郭可盈備案，他謂夜總會有女服務員，但沒有叫小姐坐枱。