如果說《星球大戰》全球Fans之多，是眾多電影之冠，相信都不會有人反對。25年前第一套《星球大戰》上映時，可謂全球哄動，電影產品更賣個滿堂紅，時至今日，《星戰前傳II複製人侵略》正式公映，一班忠心Fans除了入戲院瞓身支持之外，更大灑金錢搜購產品，實行要與《星戰》同眠。
記者：梁煒健、周麗懿
部份攝影：林栢鈞、周麗懿
承接《前傳I》，故事講述十年後，少年黑武士Anakin被其師傅Obi-wan訓練成功，成為絕地武士Jedi，其後兩人奉命保護共和國參議員的Amidala，其間Anakin與她互生情愫，發展一段感情。同時，今集出現一班複製人兵團，威脅着整個宇宙的安全。
姓名：劉振輝
年齡：24歲
收藏歷程：5年前因《星戰》後傳上映「升級版」而迷上收集《星戰》玩具，尤以3吋半活動「錯體」Figure為主要收藏對象。
阿輝最深愛的產品莫過於這盒「PurchaseoftheDroids」玩具。原本盒內應有C-3PO機械人、LukeSkywalker及UncleOwenLars3款膠公仔，但竟變成HanSolo及猩猩Chewbacca等，現時估計這盒Figure市值約$7,000。
排頭位爭買5箱Figure
3年前玩具反斗城率先發售《前傳I》的人物玩具，由於發售時間為午夜12時，阿輝為霸頭位，早於下午3時到場排隊，最終購得5大箱普通款式的3吋半Figure，雖然無炒價，但阿輝仍對該次排隊經驗津津樂道。
姓名：Kelvin
年齡：25歲
收藏歷程：細細個被爸爸帶入戲院睇《星戰》，之後行PeterPan玩具店睇《星戰》玩具，8、9年前才正式開始收集，現時大概儲了幾千件產品，最鍾情12吋Figure和海報，亦有儲手表、匙扣同埋劇照卡。
每套起碼睇３次
《前傳I》令不少忠實擁躉失望時，Kelvin卻說：「套戲劇情的確麻麻哋，但有啲鏡頭好吸引，我入戲院睇咗4次。」《星戰》「升級版」重播時，每齣都起碼睇過三次，「因為好難得喺戲院大銀幕睇番呢套戲，最新呢套都會睇三次以上。」Kelvin不僅儲Figure、睇戲，「我本身都幾鍾意打機，不過我見到有《星戰》的遊戲出先至去買PS2。」
姓名：陳廣偉
年齡：31歲
收藏歷程：97年開始搜購《星戰》玩具，主力收集3吋半活動Figure，由於《前傳I》3吋半Figure推出太多款式及太多特別版，令價值反覆下瀉，他現時只享受參與各類《星戰》活動。
不願出鏡的資深《星戰》迷Howard，5歲時已喜歡這套電影，所以其收藏品如可口可樂汽水蓋、絕版《星戰》後傳系列LDBoxset、巨型擺設公仔等，均甚具價值。可惜由於《前傳I》劇情太沉悶，所以放棄最新的產品，但他對電影《前傳II》仍有很高的期望。
售賣《星戰》產品有7年之久的玩具店主Victor表示，雖然電影《前傳I》令人失望，加上玩具方面又出得太多太濫，確實令眾Fans損手爛腳不敢入貨。但今次《前傳II》出產的玩具減少了40%之多，在供不應求之下，35款的3吋半Figure十分渴市，且售價亦一日比一日高。
J&A日美專門店
電話：23988618
地址：旺角彌敦道570-572號基利商業大廈13樓1303室
免費請你睇《前傳II》？無錯，只要着住任何一款Bossini《前傳II》Tee，在5月18日（星期六）下午1:30前（下午1:00開始排隊），去到銅鑼灣皇室堡戲院外排隊，首400位就可以免費入場睇當日下午2:10的《前傳II》電影。
Bossini查詢電話：23711633
有興趣知多一點《星戰》電影系列的朋友，不妨到西環西寶城睇睇。場內將會展出多位忠實Fans的私人珍藏，以及有關該片的資料。同時亦有《前傳II》產品和電影原聲CD售賣。在本周六至下周一（5月18至20日），更有機會參加「願原力與你同在」的擲骰仔遊戲，贏取獎品。
日期：即日起至5月20日（17日除外）
時間：中午12:00至下午6:00
地點：香港西環寶翠園西寶城